जयसिंगपुरात स्वाभिमानी शेतकरी संघटनेची उद्या २३ वी ऊस परिषद

स्वाभिमानी शेतकरी संघटनेची २३ वी ऊस परिषद शुक्रवारी दि. २५ ऑक्टोबर २०२४ रोजी दुपारी तीन वाजता जयसिंगपूर येथील विक्रमसिंह मैदानावर होत आहे. गतवर्षी तुटलेल्या उसाचा अंतिम भाव प्रतिटन दोनशे रुपये तसेच यावर्षी तुटणाऱ्या उसाला एफआरपीपेक्षा अधिक किती मागायचे, याचा निर्णय ऊस परिषदेत होणार आहे.

या परिषदेसाठी महाराष्ट्र, कर्नाटकातून मोठ्या प्रमाणावर शेतकरी उपस्थित राहणार आहेत. स्वाभिमानी शेतकरी संघटनेने या परिषदेसाठी ‘स्वाभिमानी’चे अध्यक्ष राजू शेट्टी यांच्यासह संघटनेचे प्रदेशाध्यक्ष संदीप जगताप, स्वाभिमानी पक्षाचे प्रदेशाध्यक्ष जालंदर पाटील, प्रकाश पोफळे, माजी जि. प. सदस्य सावकार मादनाईक आदींसह राज्यातील विविध जिल्ह्यांचे जिल्हाध्यक्ष, कार्यकारिणी सदस्य उपस्थित राहणार आहेत.